Don’t Trust & luv Too Much Cuz That Too Much Can Hurt U So Much
عارف، زي الأفلام لما البطل يمشي في الشوارع والصوت يبعد ويضعف بس وتطلع مكانه موسيقى حزينة جدا.. هو ده اللي بيحصل بس من غير مزيكا صوت الزحمة بيموت زي اللي مش سامع كويس، بقعد أعصر دماغي أقول فين صوت الناس! راح فين؟ أنا ليه في كل الدوشة دي مش سامع حاجة، بس بعدين باسرح أكتر وأمشي وأنا سامع كل الحاجات من بعيد، كأن مفيش حد بيقولي أنا حاجه مخصوص، كأن ماحدش عايز يوجهلي كلام أو يمكن زي ما تقول كده كل الناس بالنسبالي بتقول كلام مايخصنيش.. مش عارف.. ومش سامع حاجة غير صوت جوايا بعيد، أبعد مما تتخيل بيكلم نفسه بيتخيل عالم تاني، كون جديد بألوان جديدة وبمزيكا في الخلفية، المزيكا دي هي اللي بتحرك الأحداث.. لما تبقى هادية يبقى الجو هادي، لما تبقى حزينة تبقى الدنيا زحمة وصوت الناس بعيد.. لما تبقى سريعة تبقى رقص، وكل ما تتغير يتغير مزاج الناس كلها، أو أقولك، كل واحد ومزيكته. كأن الحياة مش موجودة، كأن كل دي خيالات مش حقيقية.. زيها زي الموسيقى موجات في الهوا.. بتروح
